Published Monday , on 23 December 2019, 10:15:33 by Naomi Irakoze Mugaragu

Hari bamwe mu bantu baba bafite ibiro batishimiye, mu kubihindura bagashaka kugendera kuri bagenzi babo kandi nyamara imibiri y’abantu itandukanye, ugasanga hari nk’abiyicisha inzara ngo bananuke baziko kugira ngo babigereho bisaba kwiyicisha inzara.

Abahanga mu mirire bavuga ko ibi bidakwiye kuko buri muntu bitewe n’imiterere y’umubiri we ndetse n’ubwoko bw’amaraso ye afite ibyamugabaniriza cyangwa bikamwongerera ibiro.

Mukakayumba Anastasie, ni inzobere mu by’imirire no kuboneza imirire, avuga ko abantu bafite ikibazo ku ngano y’umubiri wabo bakwiye kugana ababizobereyemo bakabereka imirire ibanogeye bijyanye n’imibiri yabo.

Avuga ko ingeri z’abantu zose zifite ibyo zigenewe kurya, aha kandi ngo unita ku bwoko bw’amaraso (groupe sanguin) aho buri yose igira gahunda yayo y’imirire.


Mukakayumba Anastasie, inzobere mu by’imirire no kuboneza imirire

Mukakayumba avuga kandi ko ibintu by’imirire atari ibyo abantu bagomba gufata uko biboneye, usange bahuzagurika bagana abantu batizeye cyangwa kujya kuri internet, umuntu akumva ngo abonye regime birahagije! ahubwo ko bagomba kugana abafite ubuzobere mu miririre bakabafasha, kugira ngo ibindi bitazabayobya.