Published Wednesday , on 5 June 2019, 10:58:05 by Igorora Iritararenga Dieudonne

Nyuma y’uko umutoza Maurizio Sarri, umutaliyani utoza Chelsea yifujwe n’ikipe ya Juventus yo mu Butaliyani nawe akagaragaza ko ashishikariye kugenda. Jorginho, mwene wabo, ari n’umwe mu bakinnyi umutoza Sarri yizaniye kuri ubu ntabwo abyishimiye ndetse ari ku gitutu ko bishobora kurangira nta mwanya akibona muri Chelsea mu gihe Sarri yaba agiye.

Nk’uko tubikesha Goal.com, Jorginho yatangaje ibi mu buryo buziguye, kuko yatangaje ko uyu mugabo aramutse avuye muri Chelsea atari yo yaba agambaniye ahubwo yaba agambaniye Napoli, aho aya makipe ya Napoli na Juventus asa n’ahanganye. Ubwo rero Jorginho ngo asanga Sarri atari akwiye kwerekeza muri Juventus.

Mauricio Sarri yagiye ashinjwa gukinisha nabi Ngoro Kante mu rwego rwo gushakira umwanya Jorginho.

Mauricio Sarri yagiye atungwa agatoki ku kuzambya imikire ya Chelsea, gusa byarangiye ashoje ari ibuye rikomeza imfuruka kuko yabahesheje igikombe cya Europa League atarahabwaga amahirwe anyagira Arsenal, ibitego 4-1.